حوار مع أمازيغية مصراتيه


حوار مع الدكتورة امينه القندوز… 

دكتورة أمینه نبي تعطيني من وقتك شويه

سؤال وجواب تمام!

تمام

1- كيف تعرفتي على جدورك الليبية ؟.
اول مرة كان من خلال الفيسبوك صفحة امازيغ هوارة ولقيت فيها من كل ليبيا مصراته وورفله وغريان وجنزور والطويبيه وغيرهم

2- هل شعرتي ان ماذكر كان كذب ؟.
ﻻ بس تفاجأت واحترت… وحتى انوضحلك اكتر هو كان في صورة لبنوتة امازيغية حاطينها في الصفحة من عائلة النيهوم وطبعا هم ادكيران.. وكان فيه اشارة الي انها امازيغية وكان والدها موجود في الصفحة ويعلق ومفتخر بكونه امازيغي.. طبعا كان لازم نفكر ونسال قبل لانحكم

طبعا كانت هالقصة اول مرة نعرف بيها ان قبيلة دكيران امازيغ ومن هنا بدأ البحت وفي النهاية اصلا لما نقول انا ليبية كاني نقول انا امازيغية.

3- كم احتجتي من الوقت لتتأكدي من اصولك ؟.
بمجرد ماقريت كم كتاب عن الموضوع وشفت كدا حد من نفس قبيلتي عنده هالمعلومة.. واعتقد ماخدتش مني وقت هلبة باش تأكدت واقتنعت

4-هل شكل هذا منعطف في حياتك، وهل تغيرت نظرتك للحياة بعد هذا الاكتشاف؟
اكيد شكل منعطف.. خاصة اني من زمان كانو اهلي ايقولو احنى مش جايين من الجزيرة العربية وفي نفس الوقت احنى عرب.. هادي مافهمتهاش واستغربت فيها هلبا في وقتها

5- آلم تتسالي يوماً عن لقبك الـ (قندوز) الم يراودك سؤال: لماذا لقبي غير عربي؟!.
انى كنت نعرف معنى لقبي وهو العجل صغير الثور.. بس ماكنتش نعرف ان لقب امازيغي الا في فترة من حياتي تلاقيت فيها مع ناس مش من مصراته.. بمجرد يسمعوا اللقب ايقولوا انتي امازيغية..ومانعرفش ليش مافكرتش نبحت في وقتها

6- حسب ما فهمت انك اطلعتي على كتب تاريخ مؤخراً فما هو تفسير نسيانكم تاريخكم واصولكم وانتمائكم؟.

هو حسب اللي قريته ان لما جو بدو هلال وسليم على ليبيا وكان في التفرقة العنصرية.. اضطر الامازيغي ان ينضم للعرب.. او ممكن كان في اجبار من العرب ممكن بسبب سوء المعاملة.. يعني حسب ماتقرا لو بدور حتطلع بهلبة اسباب سياسية واقتصادية واجتماعية

7- هل تعتقدي ان سياسية الناصريين والبعثيين طيلة 59 سنة من اخفاء وتشويه اصول وتاريخ الليبيين هي سبب في عدم معرفة الليبيين، من هم؟.
اكيد التيار البعثي والناصري ليه دور كبير

شنو رايك فيه زي اللقاء الصحفي باهي توه بننشره رايك

وين بتنشره

على صفحتة اصول وتاريخ الليبيين.

كان قتلي بتنشره راهو فكرت في الكلام اكثر.. بس حتى هكي باهي..طلع بتلقائية

تسلمي بنت بلادي الغالية

حاورها الباحث: اوسمان ازطاف

Advertisements

About ⵓⵙⵎⴰⵏ ⴰⵣⵟⵟⴰⴼ

ⵏⵏⵛ ⵓⵙⵎⴰⵏ ⵎⵃⵃⵎⴷ ⴰⵣⵟⵟⴰⴼ ⵙⴳ ⵢⴼⵔⵏ/ⵜⴰⵖⵎⴰ ⴳ ⵓⴷⵔⴰⵔ ⵏⴼⵓⵙⵏ, ⴰⵙⵍⵎⴰⴷ ⵜⵎⴰⵣⵉⵖⵜ ⴳ ⵜⵉⵏⵎⵍ ⵏ ⵜⴰⵖⵎⴰ
هذا المنشور نشر في مصراته وكلماته الدلالية , . حفظ الرابط الثابت.

2 Responses to حوار مع أمازيغية مصراتيه

  1. عائلة النيهوم من قبيلة ادكيران وهي من احدى قبائل الاهالي الامازيغية

    إعجاب

  2. Sergo Pd كتب:

    ان من قبيلة ادكيران و حسب ما اعرف من رويات الاجداد ان الاصل ليس عربي بل هم مهجرون من منطقه يطلق عليها (السقيا الحمراء) في المغرب ولكن لا اعرف ان الاصل امزيغي او عربي او من شرق اوروبا

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s